Ginlaragway ni Councilor El Cid Familiaran nga makahuluya sa isa ka highly urbanized city and paggamit sang Police Station 2 sang isa ka Taxi Cab agud nga maglagas sang carnapper nga amo ang nag-hold up sa kay Celso Bernabes, isa man ka taxi driver nga ginkuhaan sang amo nga Taxi Unit sang suspetsado sadtong nagligad nga semana.
Suno kay Familiaran nga dapat pa dasigon na sang Bids and Awards Committee ang pagbakal sang Patrol Cars para may gamiton sa Police Operation. Natingala si Familiaran nga wala pa sang may nabakal nga Patrol Cars tungod sang Febrero pa gin-umpisahan ang proseso sang pagbakal sang salakyan. Nagapati si Familiaran nga wala makahisayod si Mayor Evelio Leonardia sang nagakatabu angot sa procurement sang mga Police Vehicles. Samtang, ginpasalig naman ni Bids and Awards Committee ukon BAC Chairman, Atty. Goldwyn Nifras, nga ang Bacolod City Police Office ang maka-angkon na sang salakyan antes matapos ang ini nga tuig kon may yara lamang sang kwalipikado nga bidder sa tion nga masuguran na ang Invitation to Bid. Madumduman nga may natabo na nga Pre-Bid Conference sang nagligad nga mga binulan, apang indi naman kwalipikado ang isa nga nagpasakop diri. Madumduman nga gin panginwala sang Bids and Awards ang gin-alegar nga pagbakal sang anum ka mga Fortun bilang patrol cars sa diin ini ang lunsay "under power". Sa pihak nga bahin, gin-konfirmar ni Atty. Nifras nga na-pirmahan na ni Acting Mayor, Jude Thaddeus Sayson, sang nagligad nga semana ang purchase request para sa pagbakal sang sini nga salakyan. Ang papeles ang magalabay pa sa Accounting Office kag Budget Office antes ang pagtigayon sang Pre-Bid Conference. Nagapati si Nifras nga indi na ma-pending ang request for patrol cars sang BCPO tungod ini ang gina-proseso na. Magic Eye Bridaga News
0 Comments
Aprobado na sa Third kag Final Reading ang New Revenue Code sang syudad sang Bacolod matapos ang mainit nga pag-debate sadtong biernes nga adlaw sa tunga ni Acting Vice Mayor kag Presiding Officer El Cid Familiaran kag SP Floor Leader Homer Bais. Suno kay Familiaran nga nagpagwa siya sang ruling nga ang Ordinance ang makabig nga lost ordinance tungod ang pagpasar sini ang wala nagakasanto sa two-third votes ukon dapat napulo gid ka mga konsehal ang maga-aprobar sini sa kabug-osan nga katorse ka mga miembro.
Apang ang mga konsehal nga natu-on sa mayoriya kasubong ni SP Member Bais, Dindo Ramos, Caesar Distrito kag iban pa ang nag-oponer sa Ruling tungod sila nagapati nga "simple majority" lamang ang kinahanglan. Ginaduso ni Bais nga sa 14 tanan ka mga miembro, bastante na ang walo nga maka-aprobar sang Ordinansa. Sa interview sang Brigada Balita, ginpahayag ni Familiaran nga nakahimo siya sang desisyon tungod iya man gin-konsulta sa mga kilala nga mga abogado diri sa syudad sang Bacolod kag nagapati siya nga husto and iya desisyon. Magluwas sa tatlo nga nag-insister nga iduso ang ordinansa, ang iban pa nga nagpabor amo sanday Councilor Em Ang, Roberto Rojas, MOna Dia Jardin, Al Victor Espino kag Carl Lopez. Ang nagboto naman nga batok sa Ordinansa amo sanday Catalino Alisbo, Sonya Verdeflor kag Elmer Sy. Nag-gwa naman sa session si Councilor Archie Baribar sang ginaboto-botohan ang New Revenue Code. Ginkalipay naman sang mayoriya ang pagpasar sang Ordinansa tungod mahimo nga magasaka na ang collection sang syudad sa mausnod nga tuig. Magic Eye Brigada News Dapat na gid karon nga padasigon sang Bids and Awards Committee ukon BAC ang pagbakal sang anum ka mga patrol cars para sa operasyon sang Bacolod City Police Office ukon BCPO.
Suno kay Councilor El Cid Familiaran, Chair sang Committee on Security and Police Matters, nga halos malapit na sa isa ka tuig ang request sang kapulisan sa pagbakal sang salakyan apang tubtub karon wala pa ini matigayon. Personal nga gin-follow-up ni Familiaran sa BAC ang pending request kag iya natukiban nga may “change order” sa pagbakal tungod ang gusto sang syudad nga dekalidad ang pagabaklon nga mapuslan nga operasyon. Gin-ako ni Familiaran nga apektado na ang mobilisasyon sang kapulisan tungod ini pa nga mga patrol cars ang ila ginahulat. Base sa ginhimo nga Invitation to Bid sang Bids and Awards Committee, and presyo sang mga patrol cars and nagalab-ot sa 3.5 milyones pesos. Madumduman nga sang bulan sang Febrero, nagsulod ang request for new patrol cars apang liwat naman nga nagdihon sang Invitation to Bid ang BAC. Sa pihak nga bahin, naga-apelar si Familiaran sa tanan nga mga Mall Management sang syudad nga magdihon sang Security Plan tungod manug-abot na ang bulan sang Disyembre. Gintumod ni Familiaran and mga security agencies nga naga-deploy sang mga security personnel sa tagsa ka mga mall. Ini agud nga malikawan ang pagluntad sang mga kinawatay sa mga shoppers nga magadagsa naman sa mga Mall kag iban pa nga mga Department Stores. Sang damlag pa, nagpatigayon sang inspection ang Firearms, Explosives, Security Agencies and Guard Section ukon FESAGS sa tanan nga mga mall kag may nakita ini nga bayolasyon. Ginkonfirmar ni Familiaran nga sa ginhimo nga inspection, isa diri nga naka-komiter sang bayolasyon kag ginpa-idalum ini sa “reprimand”. Naga-apelar man si Familiaran nga pasangkaron ang “police visibility” sa maabot nga Christmas Season. Magic Eye Brigada News Sangguniang Panlungsod Member El Cid Familiaran recently passed a resolution requesting the Department of Interior and Local Government (DILG) – Bacolod Director Eliseo Orendez, in coordination with the City Disaster Risk Reduction and Management Office to consider conducting training for first aid on emergency and disaster response for barangay tanods and barangay health workers in the city.
The health condition of our people in the barangays and the emergency situation, including the constant threat of disaster to communities and barangays call for not just an innovative, but creative and pro-active response from the appropriate offices in the city., Familiaran said. He added that as frontline service is provided by the barangays, barangay tanods and barangay health workers, more often than not, were found to be inadequate in quickly responding during emergency calls and during possible danger that may be brought by disaster or calamities. Said resolution also provides that training for barangay tanods and barangay health workers such as cardio-pulmonary or unconscious victims, bandage wrapping and injuries, and spine board, handling in possible patients during a simulation, drill on vehicular incident are considered very useful in times of emergency situation. Familiaran also expressed that equipping them on disaster management and or flooding and water rescue skills training for coastal barangay tanods are likewise of useful importance for an effective and efficient response also on emergency situation. Magic Eye Brigada News |
Categories
All
|